|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Биыл Қазақстанның мемлекеттік қарыз мөлшері 20,6 трлн теңгені құрады. Бұл туралы қаржы министрі Ерұлан Жамаубаев хабарлады
«2021 жылдың қаңтар айында мемлекеттік қарыз 20,6 трлн теңге немесе ЖІӨ-ге 29,6%. Бұл белгіленген лимиттен 50% аспайды. Мемлекеттік қарыз құрылымындағы борыштың 80%-ы үкіметтікі: 16,7 трлн теңге немесе ЖІӨ-ге 23,9%»,– деді ол.
Министрдің айтуынша, өткен жылы республикалық бюджет тапшылығы 2,2 трлн теңге немесе ЖІӨ-ге 3,1% болған.
«2020 жылы 3 трлн теңгеге қарыз алынды. Оның ішінде ішкі нарыққа тартылған қарыз мөлшері – 2,8 трлн теңге. Десе де, бұрын алынған қарыздарды өтеу керегі ескерілді. Ең төменгі валюталық тәуекелді, тартымды мөлшерлемені, сондай-ақ ішкі нарықтың шектеулі ресурстарын ескере отырып, 223 млрд теңгеге рубль облигациясы шығарылды», – деді министр.
