|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
ҚазАвтоЖол қолайсыз ауа райына байланысты жүргізушілерді жолда сақ болуға шақырады, - деп хабарлайды Dauletten.kz.
5 қаңтар Ақмола, Ақтөбе, Атырау, Батыс Қазақстан, Түркістан, Қостанай және Ұлытау облыстарының кей жерлерінде қар түсуі мүмкін.
- Сол себепті жүргізушілерге қауіпсіздік ережелерін қатаң сақтап, жолдардағы ауа райының қолайсыздығын ескерулеріңізді сұраймыз, - делінген хабарламада.
Естеріңізде болса, бұған дейін Ішкі істер министрлігінің Әкімшілік полиция комитетінің төрағасы Қайсар Сұлтанбаев жүргізушілерге нашар ауа райы жағдайында жолдағы әрбір әрекеттің маңызды екенін айтқан еді. Ол көктайғақ, қатты жел, қарлы боран немесе тұман кезінде алыс сапарлардан бас тартуға шақырды.
Ал жолға шығып кеткендерге келесі ережелерді сақтау ұсынылады: жылдамдықты азайту, қауіпсіз қашықтықты сақтау, кенеттен маневр жасамау және басып озудан аулақ болу. Мүмкіндік болса, жақын маңдағы елдімекенге немесе қауіпсіз орынға тоқтаған жөн. Ауа райына байланысты шектеулер мен талаптарды бұзған жүргізушілер жауапкершілікке тартылады.
