|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
ҚМДБ қарыз ораза тәртібін егжей-тегжейлі түсіндірді, - деп хабарлайды Dauletten.kz.
Рамазан айында ораза балиғатқа жеткен әрбір ер мен әйел мұсылманға парыз. Намаз секілді, ораза да жеке парыз болып табылады.
Егер өткен Рамазанда қандай да бір себеппен (ауру, жолда болу және т.б.) ораза ұстай алмаған болсаңыз, ол күндерді қаза етіп өтеу керек. Қаза ораза бөлек ниетпен ұсталады және оны Рамазан оразасымен бірге ұстауға болмайды.
Қаза оразасын күнделікті намаз кестесіне сүйене отырып орындау ұсынылады: таң намазы кірген уақыт – ауыз бекіту уақыты, ал ақшам намазы кірген уақыт – ауыз ашар уақыты.
Қаза оразасына арнайы дұға немесе ниет жоқ. Мәселен, былай ниет етуге болады: «Алла разылығы үшін осы жылғы Рамазан оразасынан қалған [күн саны] қаза оразаның бірінші күнін өтемекке ниет еттім».
Ханафи мәзһабында қаза оразаны өтеудің нақты уақыты шектелмеген. Яғни, келесі Рамазанға дейін немесе одан кейін де өтсе болады, бірақ мүмкіндігінше тезірек өтеу жөн.
Қаза оразаны үзбей ұстау міндетті емес, оны бөліп-бөліп өтеуге болады. Айт мерекесінің екінші күнінен бастап қаза оразаны бастауға рұқсат етіледі.
