|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Түркістан облысында мал ұрлығы деректері көбейіп, полицейлер бірқатар қылмыстың бетін ашты. Жыл басынан бері Келес ауданында ауыр санаттағы бірнеше іс тіркеліп, күдіктілер уақытша қамауға алынды, - деп хабарлайды Dauletten.kz.
Келес ауданында 2026 жылдың басынан бері ауыр санаттағы 4 қылмыстық іс тіркелді. Тергеу деректеріне сәйкес, мал ұрлығы Ақсу, Шұқырсай және Амангелді елді мекендерінде орын алған.
Күдіктілердің бірі тұрғынның қорасынан қой ұрласа, екіншісі жайылымда жүрген малды айдап әкеткен. Ал тағы бір азамат ұрланған малды базарда сатып жатқан жерінен қолға түскен.
Құқық қорғау органдарының жедел іс-шаралары нәтижесінде қылмысқа қатысы бар барлығы 9 адам анықталып, ұсталды. Қазіргі таңда күдіктілер сот санкциясымен екі ай мерзімге қамауға алынды. Тергеу амалдары жалғасып жатыр.
