|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қостанай облысы Амангелді ауылында Мәдениет үйінің қазандығы жарылып, ғимарат құлады, - деп хабарлайды Dauletten.kz.
Қостанай облысы Амангелді ауылында Мәдениет үйінің жеке қазандығында жарылыс болып, ғимараттың бір бөлігі құлады. Оқиға орнына дереу Құтқарушылар мен Төтенше жағдайлар департаментінің қызметкерлері жетіп, құлаған ғимараттың үйіндісінен бір адамды шығарып алды.
Төтенше жағдай туралы куәгерлердің мәліметінше, ғимарат ішінде басқа адамдар болмаған. Құтқарушылар 1969 жылы туған ер адамды үйінді астынан аман-есен алып шығып, жедел жәрдем қызметкерлеріне тапсырды. Ер адам жедел түрде медициналық көмекке алынған.
Оқиға орнында Төтенше жағдайлар департаменті мен полиция қызметкерлері жұмыс істеуде. Сондай-ақ жергілікті атқарушы органдар қажетті шараларды қабылдауда. Қазіргі таңда жарылыс себебі анықталып, тергеу жұмыстары жүргізілуде.
