Қырғызстан халқы билікке наразылық білдіріп, Бішкек қаласында митинг өтіп жатыр.
Бішкек тұрғындары белсенділердің ұсталуына, қырғыз-өзбек шекарасы бойынша Кемпір-Абад су қоймасының маңындағы жер Өзбекстанға өтеді деген келісімге қарсылық білдірді.
Сондай-ақ Қырғызстанда интернеттің жаппай істен шығуы тіркелді. Қырғызстанның цифрлық даму министрлігінің мәліметінше, интернеттің істен шығуына магистральдық желілердің үзілуі себеп болып отыр.
"Қазір интернетті қалпына келтіру жұмыстары белсенді түрде жүргізіліп жатыр. Жақын арада толығымен қалпына келтіріледі", – деп хабарлады министрлік.
