|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қытайдың Temu маркетплейсі қауіпті деп танылып, бірнеше елде тыйым салынды, - деп хабарлайды Dauletten.kz Stan.kz сайтына сілтеме жасап.
Қытайлық Temu маркетплейсі екі жыл бұрын электронды коммерция нарығына енді. Агрессивті жарнама, төмен бағалар және бонустар арқылы жылдам танымал болған платформа. Алайда бірнеше айдан кейін қауіпсіздік пен сапа мәселелері бойынша даулы жағдайларға тап болды. АҚШ-тың кейбір штаттары мен Индонезия Temu-дің жұмысын тоқтатты, ал Еуропалық Одақ тергеу жүргізуде.
Temu – қытайлық Pinduoduo компаниясының жобасы. Ол қолданушыларға лотерея мен жеңілдіктер ұсынғанымен, деректер қауіпсіздігі бойынша алаңдаушылық туғызды. 2017 жылы Қытай үкіметі барлық қытайлық компаниялардан барлау агенттіктерімен жұмыс істеймін деп талап етті. Осы заңға сәйкес, Temu пайдаланушылардың жеке ақпараты Қытайдың мемлекеттік органдарына жетуі мүмкін. Сонымен қатар, Temu мобильді қосымшасы қолданушылардың камераға, микрофонға, геолокацияға және басқа да деректерге рұқсатсыз қол жеткізуі мүмкін.
Grizzly Research компаниясы Temu-ды қауіпті қосымша ретінде сипаттап, оның деректер жинау мен шпиондық мүмкіндіктері туралы ескертті. Кейбір қолданушылар платформаны орнатқаннан кейін электронды поштаға спамның келетінін айтқан. Бұған қоса, Temu өнімдерінен формальдегид, фталаттар және қорғасын сияқты қауіпті заттар табылды.
Батыс ақпарат құралдары Temu-дың Шыңжаң-Ұйғыр автономиялық ауданындағы еңбек лагерлерінде жасалған тауарларды сататынын мәлімдеді. Ал мердігерлер Temu-дің ақшаны қайтару саясатына наразылық білдіріп, 300-ге жуық кәсіпкер кеңсе алдында ақшаны қайтару саясатына байланысты наразылық акциясын өткізді.
Temu халықаралық нарықта деректер қауіпсіздігі мен сапа мәселелері бойынша көптеген сынға ұшырауда, және оның болашағы белгісіз болып отыр.
