|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда қалыңдық ұрлау тақырыбындағы әндерге қатысты шектеу енгізілуі мүмкін, - деп хабарлайды Dauletten.kz.
Мәдениет және ақпарат вице-министрі Евгений Кочетов қалыңдықты алып қашуды насихаттайтын музыкалық туындыларға қоғам тарапынан сын көбейгенін айтты. Оның сөзінше, мұндай әндерді орындайтын әртістерге шығармашылық ұстанымын қайта қарау жөнінде ұсыныс жасалуы ықтимал. Атап айтқанда, даулы тақырыптағы әндерден бас тарту немесе олардың мазмұнын өзгерту мәселесі талқылануда.
Вице-министр бұл бастаманың соңғы уақытта бірқатар өңірде орын алған қыз алып қашу оқиғаларымен байланысты көтерілгенін атап өтті. Аталған жағдайлар қоғамда кең талқылауға түсіп, қоғамдық пікірдің өзгеруіне әсер еткен.
- Бұл тақырыптың қоғамға қалай әсер ететінін жақсы түсінеміз. Әртістер де қоғамның үнін естиді деп сенеміз. Көрерменнің өзі орындаушыларды басқа, позитивті тақырыптарға бет бұруға жетелейді, – деді ол.
