|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Сырдария өзенінде мұз жүре бастады. Қазіргі уақытта өзен арнасы толық бақылауда, ал азаматтық қорғау қызметтері дайындық жұмыстарын жүргізуде. Төтенше жағдайлардың алдын алу комитетінің төрағасы Серік Жүнісбеков өңірге барып, жағдайды бағалады, - деп хабарлайды Dauletten.kz.
Қазір өзеннің Қызылордаға дейінгі бөлігі мұздан толық тазарып, өзендегі сең баяулап, қала маңынан өтуде. Қауіпті деп танылған бес учаске тұрақты бақылауда. Солтүстік аудандарда мұз қалыңдығы 20-40 см аралығында. Өңірде су тасқыны қаупі жоғары 29 елдімекен бар, онда шамамен 70 мың адам тұрады.
Мамандардың болжамынша, Сырдариядағы мұз қозғалысы наурыздың ортасына қарай Арал теңізіне жетуі тиіс.
- Қазіргі уақытта сеңнің қозғалысы байқалып отыр. Қорғаныс бөгеттері қалыпты жағдайда. Облыс бойынша 61 эвакуациялық жинақтау және 71 қабылдау пункті ұйымдастырылған. Сонымен қатар, 22 уақытша орналастыру және 13 жылыту пункті жұмыс істеп тұр, – деді облыстық ТЖД басқарма бастығы Бейбітхан Спанов.
