|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қызылордада балалар спортын және шығармашылығын қолдауға арналған «Даму бала» платформасы арқылы қызмет көрсететін кәсіпкерлерден 88 млн теңгеден астам қаражат жымқыру дерегі бойынша сот үкімі жарияланды, - деп хабарлайды Dauletten.kz.
Істі Қаржылық мониторинг агенттігінің Қызылорда облысы бойынша департаменті тергеді. Тергеу мәліметінше, мониторингтік топ мүшелерінің бірі сыбайласымен бірге кәсіпкерлерден тексеріс қорытындысын "оң шешіп береміз" деген сылтаумен ақша бопсалаған.
Қаражаттың бір бөлігіне коттедж және автокөлік сатып алынған. Сот санкциясымен бұл мүлікке тыйым салынды.
Нәтижесінде басты айыпталушы 6 жылға бас бостандығынан айырылып, мүлкі тәркіленді. Сыбайласына 5 жыл шартты жаза тағайындалды.
Үкім әлі заңды күшіне енген жоқ.
