|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қызылордада құлдықта болған оқушы қызға қатысты бопсалау ісі жабық түрде қаралды, - деп хабарлайды Dauletten.kz.
Сотта қылмыстық істің тек бір эпизоды қаралған. Ресми ақпаратқа сәйкес, сотталушы Т. кәмелетке толмаған жәбірленушіні ар-намысын қорлайтын мәліметтерді жариялаймын деп қорқытып, 700 мың теңге талап еткен, сондай-ақ сөмкесінен 35 мың теңге ақшасын алып кеткен.
Қызылорда облыстық сотының мәліметінше, сотталушының кінәсі психологиялық-психиатриялық сараптама, оқиға орнын қарау, беттестіру хаттамалары және жәбірленушінің айғақтары арқылы дәлелденген. “Сот үкімімен Т. бопсалау бабы бойынша қылмыс жасағаны үшін кінәлі деп танылды. Бұл бап бойынша үш жылдан жеті жылға дейін бас бостандығынан айыру жазасы қарастырылған,” – делінген хабарламада.
Сот сотталушының бұрын сотталмағанын және оның жасын (21 жас) жеңілдететін жағдай ретінде есепке алып, 4 жыл 6 айға бас бостандығынан айыру жазасын тағайындады.
