|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгін Қазақстан мұсылмандар Діни басқармасының төрағасы, Бас мүфти Наурызбай қажы Тағанұлы Рамазан айына қатысты БАҚ өкілдерімен пресс-конференция өткізді, – деп хабарлайды ҚМДБ ресми сайты.
ҚМДБ төрағасы, бас мүфти мұсылмандар үшін Рамазан айының маңыздылығын айта өтіп, журналистердің сұрағына жауап берді.
«Біз Орталық Азия елдерінің мүфтилерімен, пәтуа саласына жауапты ғалымдармен, сондай-ақ ғылыми зерттеулерлерге сүйене отырып, бірлескен шешім қабылдадық. Құдіреті шексіз Құдайдың рұқсатымен, биыл Рамазан айы 23 наурызда басталады. Ал 17 сәуірден 18 сәуірге қараған түн – Қадыр түні. 21-сәуір – Ораза Айт мерекесі болып бекітілді», – деді Наурызбай қажы Тағанұлы.
Рамазан – мұсылман күнтізбесінің тоғызыншы айы. Бұл ай мұсылмандар үшін ең маңызды және құрметті ай саналады. Рамазан – Ай күнтізбесінің бөлігі болғандықтан, Ай туғаннан басталады. Еске сала кетейік, Ай күнтізбесі қолданыстағы Григоиан күнтізбесімен салыстырғанда 11 күнге қысқа, сондықтан да Рамазан әр жылда 11 күнге қысқарып келіп отырады.
Фото: liter.kz
