Жаңалықтар

Рамазан айында пойыз жолаушыларына құрма мен су тегін ұсынылуда

12.03.2025

1 мин

1

130

Сурет: КТЖ

Рамазан айында Ұлттық тасымалдаушының пойыздарында жолаушыларға құрма мен су тегін ұсынылуда, - деп хабарлайды Dauletten.kz.

 Бұл туралы "Жолаушылар тасымалы" АҚ баспасөз қызметі мәлімдеді.

Қасиетті Рамазан айында Ұлттық тасымалдаушының пойыз жолсеріктері жолаушыларға ерекше құрмет көрсетуде. Барлық бағыттар бойынша жолаушыларға құрма мен су тегін таратылуда. 

Сонымен қатар вагон-мейрамханалардың жұмысы Ораза ұстаушыларға ыңғайлы болу үшін арнайы кестеге көшті. Мейрамханалар күн сайын 08:00-ден 00:00-ге дейін жұмыс істейді, ал сәресі (сухур) уақытына орай 04:00-ден 05:30-ға дейін ашық болады. Бұл жолаушыларға таңғы асты уақытылы ішуге мүмкіндік береді.

Ораза ұстаған жолаушылар үшін 18:00-ден 20:00-ге дейін вагон-мейрамханалардағы тағамдарға 10% жеңілдік қарастырылған. Сондай-ақ ауызашар (ифтар) уақытында жолаушыларға су мен құрма тегін ұсынылады.

Ұлттық тасымалдаушы барлық жолаушыларды өзара құрмет пен түсіністік танытуға, пойыз ішіндегі тазалықты сақтауға және денсаулықтарына мұқият қарауға шақырады.

Жолға шықпас бұрын денсаулық жағдайын тексеріп, дәрігерден кеңес алу ұсынылады.