|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ресейде коронавирустың XFG деп аталатын жаңа мутациясы кең тарала бастағаны белгілі болды. Бұл жағдай Қазақстандағы эпидемиологиялық ахуалға қаншалықты ықпал етуі мүмкін деген сұрақ туындатты, - деп хабарлайды Dauletten.kz.
Ресей аумағында анықталған жаңа штамм 85 өңірге таралған. Мамандардың мәліметінше, стационарға түскен науқастардың басым бөлігінен осы нұсқа табылған. Дәрігерлер оның жұғу қарқыны алдыңғы мутациялармен салыстырғанда жоғары болуы мүмкін екенін айтады.
Ауру белгілері негізінен жөтел, дене қызуының көтерілуі және жалпы әлсіздікпен сипатталады. Кейбір науқастарда тамақ қарлығуы мен дауыс жоғалту белгілері байқалады.
Қазіргі уақытта ел аумағында XFG штаммы тіркелгені туралы ресми ақпарат жоқ.
Сарапшылардың пікірінше, қазіргі кезде Қазақстан үшін тікелей қауіп төмен, бірақ сақтық шараларын сақтау маңызды: адам көп жиналатын орындарда маска тағу, қолды жиі жуу, симптомдар пайда болса дәрігерге жүгіну ұсынылады.
