|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгін Сенат депутаттары Түркістан қаласына ерекше мәртебе беруді көздейтін заң жобасын мақұлдады. Жиында екі маңызды құжат қаралды: “Түркістан қаласының ерекше мәртебесі туралы” заң жобасы және “Қазақстан Республикасының кейбір заңнамалық актілеріне Түркістан қаласының ерекше мәртебесі мен шетелдегі мәдениет орталықтарына қатысты өзгерістер мен толықтырулар енгізу туралы” заң жобасы, - деп хабарлайды Dauletten.kz.
Заң жобасының мақсаты – Түркістанды елдің рухани-мәдени және тарихи орталығы ретінде айқындап, оның ерекше мәртебесін заңнамалық тұрғыда бекіту. Сонымен қатар, қала әкімдігіне туризмді дамыту мақсатында бірқатар қосымша құзыреттер беріледі. Атап айтқанда:
• Туристік нысандарды салу және жаңғырту шығындарының бір бөлігін өтеу;
• Жол бойындағы сервис объектілерінің құрылысын қолдау;
• Сыйымдылығы сегізден асатын көлік құралдарын сатып алуға көмектесу және т.б.
Сенатор Бауыржан Қаниевтің айтуынша, бұл түзетулер туристік инфрақұрылымды жақсартып, қызмет көрсету сапасын арттыруға мүмкіндік береді.
Сонымен қатар, Қожа Ахмет Ясауи кесенесі айналасындағы құрылыс мәселесі талқыланды. Жаңа нормалар кесене маңындағы құрылысқа бірыңғай стандарт енгізіп, Түркістан қаласының сәулеттік тұтастығын сақтау шараларын реттеуді көздейді. Сенатордың мәлімдеуінше, жергілікті билік қаланың сәулеттік келбетін қалыптастыру және қала құрылысы ережелерін бекіту бойынша жауапкершілік алады.
Бұдан бөлек, Түркістан қаласының әкімдігіне тарих және мәдениет ескерткіштерін анықтау, зерттеу, сақтау және тарихи-сәулеттік жоспарлар мен карта-схемалар әзірлеу құзыреті беріледі.
