|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Сенат Ұлттық қордан қаржы алу туралы құжатты мақұлдап, Президенттің қол қоюына жіберді, - деп хабарлайды Dauletten.kz.
Бүгін Үкіметтің барлық мүшелері Парламенттің жоғарғы палатасына келіп, "2025-2027 жылдарға арналған бюджет" және "Ұлттық қордан кепілдендірілген трансферт" туралы заң жобасын таныстырды.
Құжатқа сәйкес, әр үш жыл сайын Ұлттық қордан 2 трлн теңге алу жоспарланып отыр.
Кепілдендірілген трансферттің мөлшері бюджеттік қағидаларға сәйкес анықталған. Заң жобасында мұнайдың кесімді бағасы 2025 жылы барреліне 42,3 доллар, 2026-2027 жылдары барреліне 41 және 39,4 доллар деңгейінде белгіленген. Осыны ескере отырып, Ұлттық қордан кепілдендірілген трансферт мөлшері 2025-2027 жылдарға жыл сайын 2 трлн теңге көлемінде айқындалды. Жоспарлы кезеңде Ұлттық қордың таза валюталық активтері болжам бойынша 2025 жылы – 62,2 млрд доллар, 2026-2027 жылдары 69,9 және 78,7 млрд доллар болады, - деді ұлттық экономика министрі Нұрлан Байбазаров.
