|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ауыл таланттарын қолдау шаралары басталды, - деп хабарлайды Dauletten.kz.
Мәжіліс депутаты Мақсат Толықбай Мәдениет және ақпарат министрлігінің өкілдерінен ауылдық креативті және шығармашыл жастарға көрсетілетін қолдау шаралары туралы сұрақ қойды.
- Ауыл жастарын қалай қолдаймыз? Олар бәсекелестен тыс қалады. Кейбір шалғай ауылдарда талантты жастар бар. Ауылдық креативті жастарды іріктеу рәсімі қалай ұйымдастырылады? Нақты қолдау шаралары бар ма? – деді депутат.
Министрлік өкілдері ауылдық таланттарды қолдау өте маңызды екенін атап өтті. Қазақстанда креативті индустрияның 12 негізгі бағыты бар, соның ішінде IT, қолөнер, дизайнерлік өнер, сурет өнері және тағы басқа салалар.
2025 жылғы шілде айында президенттің тапсырмасымен креативті индустрияларды дамыту қоры құрылды. Қор ауыл жастарына қолдау көрсетуге арналған арнайы бағыттар бойынша жұмыс істейді. Қазіргі уақытта 17 хаб жұмыс жасап, ауылдық таланттарды дамытуда маңызды рөл атқарады.
Қор арқылы фестивальдер, байқаулар, гранттар және қаржылай қолдау шаралары ұйымдастырылады. Министрлік өкілдері депутатқа бұл жұмыстың толық іске асырылғанын жеткізді.
