|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Шығыс Қазақстан облысында танысының атынан 2 млн теңге несие алған17 жастағы жасөспірімге қатысты қылмыстық іс қозғалды, деп хабарлайды ҚазАқпарат.
ШҚО Полиция департаменті баспасөз қызметінің мәліметіне сүйенсек, «102» жедел арнасына қоңырау шалған азамат белгісіз біреудің өз атына несие ресімдегендігін жеткізді.
«Белгілі болғандай, Риддер қаласының 17 жастағы тұрғыны Алтай ауданындағы Серебрянск шаһарына танысының үйіне қонаққа келген. Сол кезде жасөспірім жәбірленушінің телефонына банктердің бірінің мобильді қосымшасын орнатып береді. Кейін арада бірнеше күн өткенде шұғыл ақша қажет болған кезде ол танысының жеке деректерін пайдаланып, 2 млн теңге несие алған. Содан соң қаражатты өз шотына аударған», – деді облыстық ПД бастығының орынбасары Талғат Шаяхметов.
Қазіргі уақытқа полицейлер күдіктіні қолға түсірді. Алаяқ қаражатты құмар ойындарға салып ұтылып қалғанын алға тартты.
