|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Биыл Шымкентте әлеуметтік тұрғын үй бағдарламасы бойынша 2 004 азамат жаңа пәтерге ие болды, - деп хабарлайды Dauletten.kz.
2024 жылдың қорытындысы бойынша Шымкент қаласында әлеуметтік тұрғын үймен қамтамасыз ету шаралары қарқынды жүзеге асуда. Биылғы жылдың алғашқы кезеңінде 2 004 азамат әлеуметтік баспанамен қамтылды. Ал жыл соңына дейін тағы 1 270 пәтер беру жоспарланып отыр.
Есепті кезеңде 978 мың шаршы метр тұрғын үй пайдалануға беріліп, өткен жылмен салыстырғанда 42 пайызға өсті. Жыл соңына дейін көрсеткішті 1 млн 360 мың шаршы метрге жеткізу көзделуде, - деді Шымкент қаласының әкімі Ғабит Сыздықбеков ОКҚ көшпелі баспасөз конференциясында.
Сонымен қатар, қалада жергілікті "Қамқор" тұрғын үй бағдарламасы бойынша қаржы көлемі екі есеге артып, 8 млрд теңге бөлінді. Бұл қаржыға кемінде 400 отбасы жеңілдетілген несиемен тұрғын үй ала алады. Қосымша, табысы төмен 392 отбасыға әлеуметтік көмек ретінде тұрғын үй сертификаттары берілді.
Сондай-ақ "Отбасы банкі" арқылы тағы 1 666 азаматқа кредиттік тұрғын үй алу мүмкіндігі беріледі.
