|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Шымкентте пәтерін жалға берген азамат қауіпсіздік ережелерін сақтамағаны үшін сот алдында жауап берді, - деп хабарлайды Dauletten.kz.
Прокуратураның мәліметінше, “А.” есімді тұрғын газбен жабдықтаушы мекемемен келісім жасамай және газ қауіпсіздігі талаптарын бұза отырып, пәтерін жалға берген. Нәтижесінде, пәтерде газ таралып, жалға алушы “Б.” көмірқышқыл газынан уланып, көз жұмған.
2025 жылдың 18 сәуірінде Шымкент қаласының қылмыстық істер жөніндегі ауданаралық соты пәтер иесін Қылмыстық кодекстің 306-бабы (“Жұмыс жүргізу кезінде қауіпсіздік талаптарын бұзу”) бойынша кінәлі деп танып, 4 жыл шартты жаза тағайындап, пробациялық бақылау орнатты.
Қалалық прокуратура бұл жағдайдан кейін пәтерін жалға беруші әрбір азаматтың жалға алушылардың қауіпсіздігіне жауапты екенін ескертті.
- Мұндай немқұрайдылық қайғылы салдарға әкеліп қана қоймай, қылмыстық жауапкершілікке де себеп болуы мүмкін, – деді ведомство өкілдері.
Сонымен қатар, прокуратура заң талаптарын білмеу азаматты жауапкершіліктен босатпайтынын атап өтті.
