Жаңалықтар

Тоқаев Қорғаныс министрлігін тексеретін комиссия құрамын бекітті

26.09.2026

мин

0

176

Сурет: BAQ.kz

Мемлекет басшысы Қасым-Жомарт Тоқаевтың шешімімен Қорғаныс министрлігіндегі ахуалды кешенді түрде тексеруге арналған арнайы комиссия жасақталды, — деп хабарлайды Dauletten.kz.

Жұмыс тобы әсіресе әскери саланы қаржыландыру мен материалдық-техникалық жабдықталу бағытындағы атқарылып жатқан істерді жеке сараптамадан өткізеді.

Аталған тексеру комиссиясының тізгіні беделді мемлекеттік органдардың бірінші басшылары мен өкілдеріне тапсырылды. Құрамында келесі тұлғалар бар:

Аида Балаева — Қауіпсіздік Кеңесі төрағасының орынбасары (комиссия төрағасы);

Әлихан Смайылов — Жоғары аудиторлық палата төрағасы (комиссия төрағасының орынбасары);

Ержан Жиенбаев — Президент Әкімшілігі басшысының орынбасары;

Жанат Элиманов — Қаржылық мониторинг агенттігінің төрағасы;

Мұрат Баймұқашев — Қауіпсіздік Кеңесі Аппаратының Басшысы;

Мәди Тәкиев — Қаржы министрі;

Жандос Өмірәлиев — Бас прокурордың бірінші орынбасары;

Әли Алтынбаев — Ұлттық қауіпсіздік комитеті төрағасының бірінші орынбасары;

Азамат Әмрин — Ұлттық экономика бірінші вице-министрі.

Комиссия мүшелері жүргізілген тексеріс пен зерделеу жұмыстарының алғашқы қорытындысын 7 күн ішінде Мемлекет басшысына баяндауы қажет.