|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бейжіңде өтіп жатқан Қазақ-қытай іскерлік кеңесінің отырысында Президент Қасым-Жомарт Тоқаев сөз сөйлеп, Қазақстанның инвестициялық әлеуетін таныстырды, - деп хабарлайды Dauletten.kz.
Мемлекет басшысы Қытайды еліміздің тағдыр қосқан тату көршісі, жақын досы және мәңгілік стратегиялық серіктесі деп атады. Оның айтуынша, ортақ тарих, терең байланыс пен өзара түсіністік – халықтарды біріктіретін берік құндылықтар.
Президент екі ел арасындағы сенімді қарым-қатынастардың жылдан жылға нығайып келе жатқанын атап өтті. Былтыр Қазақстан мен Қытай арасындағы сауда айналымы 44 миллиард долларға жетіп, рекордтық деңгейге көтерілді.
– Біз мұнымен тоқтап қалмауымыз керек. Алдағы бес жылда өзара сауда көлемін едәуір ұлғайтуға толық әлеует бар. Бұл үшін мемлекет басшылары деңгейінде саяси ерік-жігер мен ортақ ұмтылыс қалыптасқан, – деді Қасым-Жомарт Тоқаев.
