|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Сыртқы істер министрлігі АҚШ-тың жаңадан сайланған президенті Дональд Трамптың инаугурациясына Қазақстан атынан кім баратынын мәлімдеді, - деп хабарлайды Dauletten.kz.
20 қаңтарда Вашингтонда өтетін рәсімге Қазақстан атынан АҚШ-тағы елші Ержан Ашықбаев қатысады.
Ержан Ашықбаев 2021 жылғы 5 сәуірден бастап Қазақстанның АҚШ-тағы төтенше және өкілетті елшісі қызметін атқарып келеді. Бұған дейін, 2013-2021 жылдары, ол сыртқы істер министрінің орынбасары қызметін атқарған.
Инаугурация - АҚШ президентінің өкілеттігін жаңа сайланған мемлекет басшысына ресми түрде беру рәсімі. Бұл елдегі билік ауысуының маңызды сәті.
Айта кетейік, 2024 жылдың 5 қарашасында Америка Құрама Штаттарында президент сайлауы өтті. Негізгі бәсеке республикашылардан Дональд Трамп пен демократтардан Камала Харрис арасында болды. Бұл сайлау елдің 47-ші президентін анықтайтын 60-шы президенттік сайлау ретінде тарихта қалды.
Трамп сайлау нәтижесі бойынша жеңіске жетіп, Вашингтон уақытымен түнгі сағат екіде (Астана уақытымен сағат 12:00-де) жеңімпаз деп жарияланды. Ол барлық негізгі штатта басым түсті.
Ескертпе: Сайлауда америкалықтар тек президент пен вице-президентті ғана емес, сонымен қатар конгрестің 468 мүшесін, 11 штаттың губернаторларын және жергілікті басқару органдарының өкілдерін таңдады.
