|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Түркістан облысының 12 адамнан құралған аудандық білім бөлімінің қызметкерлері 3,7 миллиард теңге жымқырды деген күдікке ілінді, - деп хабарлайды Dauletten.kz.
Антикор Шардара ауданындағы жағдайды назарға алды. 12 адам 2020-2023 жылдар аралығында бюджет қаражатын жымқырды деген күдікке ілінді. Ұйымдасқан қылмыстық топ мүшелері - білім бөлімінің басшылары мен бухгалтерлері.
- Алдын ала тергеу нұсқасы бойынша қылмыс тізбегі келесідей болған: күдіктілер білім саласында жұмыс істемеген тұлғаларға жалақы төлеп, ақшаны өздерінің жеке есепшоттарына аударған. Қабылданған шаралар нәтижесінде шығын өтеліп, жалпы сомасы 639,8 миллион теңге болатын мүлікке тыйым салынды. Қазіргі уақытта қылмыстық іс прокуратураға тергеу аяқталғаны туралы есеппен жіберілді, – деп мәлімдеді Антикор.
Антикордың мәліметінше, ең ірі ұрлықтар Жетісу, Түркістан, Қызылорда, Алматы, Ақтөбе облыстарында және Алматы қаласында болған.
