|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәжіліс "Түркістан қаласының ерекше мәртебесі туралы" заң мен оған қатысты түзетулерді екінші оқылымда мақұлдады. Бұл заң Мемлекет басшысының тапсырмасын орындау аясында Ұлттық экономика министрлігі тарапынан әзірленген, - деп хабарлайды Dauletten.kz.
Заңның басты мақсаты – Түркістанды Қазақстанның рухани, мәдени, тарихи және туристік орталығы ретінде дамыту, тарихи-мәдени мұраны қорғау және рухани нысандардың бірегейлігін сақтау.
Құжатқа сәйкес, Қожа Ахмет Ясауи кесенесінің қорғау аймағында, оның шекарасынан 100 метр қашықтықта биіктігі жеті метрден асатын, сондай-ақ тарихи ескерткіштерге ауқымы, түсі немесе құрылыс материалдары бойынша сәйкес келмейтін нысандарды салуға тыйым салынады.
Сонымен қатар, қолөнершілердің шығындарының 10%-нан 25%-ға дейінгі бөлігін жергілікті бюджет есебінен өтеу қарастырылған.
Түркістан қаласы әкімдігіне қосымша 27 өкілеттік, ал мәслихатқа 7 өкілеттік беріледі.
Ілеспе түзетулер аясында Жер кодексіне, "Қазақстан Республикасындағы сәулет, қала құрылысы және құрылыс қызметі туралы", "Тарихи-мәдени мұра объектілерін қорғау және пайдалану туралы", "Қазақстан Республикасындағы туристік қызмет туралы" заңдарына тиісті өзгерістер мен толықтырулар енгізіледі.
