|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Төтенше жағдайлар министрлігінің Өртке қарсы қызмет комитетіне жаңа басшы тағайындалды. Министрдің бұйрығымен бұл қызметке азаматтық қорғау полковнигі Ерлан Төрегелдиев келді, - деп хабарлайды Dauletten.kz.
Ведомствоның ресми сайтында жарияланған мәліметке сәйкес, Ерлан Төрегелдиев 1980 жылы Семей қаласында дүниеге келген. Ол Шәкәрім атындағы Семей мемлекеттік университеті мен ТЖМ Көкшетау техникалық институтын тәмамдаған.
Өзінің еңбек жолын 2005 жылы Шығыс Қазақстан облысы Төтенше жағдайлар саласындағы мемлекеттік бақылау және қадағалау басқармасының Курчатов қалалық бөлімінде инженер қызметінен бастаған.
2020 жылға дейін Шығыс Қазақстан және Батыс Қазақстан облыстарындағы төтенше жағдайлар департаменттерінде жұмыс істеп, кейін ТЖМ Өртке қарсы қызмет комитетінің Мемлекеттік өртті бақылау және өртке қарсы нормалау басқармасын басқарды.
2024 жылдан бастап комитет төрағасының орынбасары лауазымын атқарған.
