|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Денсаулық сақтау министрі Ақмарал Әлназарова Үкімет отырысында елдегі эпидемиологиялық ахуалды баяндады, - деп хабарлайды Dauletten.kz.
Министрдің айтуынша, елімізде жыл сайын шамамен 3,5 миллион ЖРВИ жағдайы және 2 мыңға дейін тұмау оқиғасы тіркеледі. Биылғы эпидемиологиялық маусым басталғалы бері 1 млн 461 мың ЖРВИ дерегі анықталды. Бұл көрсеткіш өткен жылдың осы кезеңімен салыстырғанда 20 пайызға төмен. Ауру жұқтырғандардың 66 пайыздан астамы — 14 жасқа дейінгі балалар.
Соңғы аптада республика бойынша вирустық инфекциялардың 183 мың жағдайы тіркеліп, былтырғы маусымның сәйкес аптасымен салыстырғанда 16 пайыз өсім байқалды.
Министр биыл вирустардың белсенді таралуы әдеттегіден ертерек басталғанын атап өтті. Эпидемиологиялық маусым басталғалы бері тұмаудың А типі бойынша зертханалық расталған 587 жағдай анықталған, оның ішінде А(H1N1) вирусының 3 жағдайы бар. Алдыңғы жылдары тұмау әдетте 43–51 апталарда, яғни жыл соңында жиілейтін болса, биыл ол 41-аптада — қазан айының алғашқы жартысында тіркеле бастаған. Болжамға сәйкес, аурушаңдықтағы өсу желтоқсанның ортасына дейін жалғасуы мүмкін.
