|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Зейнетақы жарналарын төлемегендердің банк шоттары бұғатталады, - деп хабарлайды Dauletten.kz.
Үкімет зейнетақы жарналарын есептеу мен аудару тәртібін реттейтін қаулыларды бекітті. Жаңа ережелер 2026 жылғы 1 қаңтардан бастап күшіне енеді.
Жаңа ережеге сәйкес, міндетті кәсіби зейнетақы жарналары әрбір жұмыс істейтін азаматтың ай сайынғы табысынан ұсталып отырады. Яғни, енді жалақыдан бұрынғыдай тек міндетті зейнетақы жарнасы ғана емес, сонымен қатар кәсіби зейнетақы жарнасы да есептеледі. Бұл – болашақта зейнетақы көлемінің ұлғаюына мүмкіндік береді деген сөз.
Егер сіз өзін-өзі жұмыспен қамтыған тұлға болсаңыз (мысалы, жеке шебер, такси жүргізушісі, онлайн сатушы және т.б.) және арнайы салық режимін қолдансаңыз, онда кәсіби зейнетақы жарнасын өзіңіз есептеп, ай сайын дербес аударуыңыз қажет.
Мысалы, қараша айында табыс тапқан жағдайда, сол табыстан зейнетақы жарнасын есептеп, желтоқсанның 25-іне дейін Бірыңғай жинақтаушы зейнетақы қорына аударуыңыз керек.
Сонымен қатар, егер міндетті зейнетақы немесе кәсіби жарналар бойынша берешек сомасы 6 айлық есептік көрсеткіштен (АЕК) асатын болса, салық органдары төлеушіге хабарлама жібереді. Ал егер берешек 10 жұмыс күні ішінде өтелмесе, төлеушінің банк шоттарындағы шығыс операциялары тоқтатылады.
