|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Шымкенттегі ковидтік орталықта реаниматологтарға миллион теңге жалақы ұсынылуда, деп хабарлайды Stan.kz ақпарат агенттігі.
Жалақысы жоғары болғанымен, жұмыс істеуге ниет білдірушілер көп емес. Сарапшылардың айтуынша, жұмыс қиын және өте қауіпті болғандықтан, жалақысының көптігі ешкімді қызықтыра қоймады.
"Ковидтік орталықта жұмыс істейтін реаниматолог дәрігерлер керек. Жалақысы – бір миллион теңге", – деген хабарлама желіде тез тарап кетті.
Белгілі болғандай, Шымкенттегі емханалардың біріне шұғыл қызметкерлер қажет. Қалалық денсаулық сақтау басқармасы жеке медициналық мекемеге жоғарғы жалақығы жұмыс жасайтын мамандарды іздестіріп жатқанын түсіндірді. Ерекше тәуекел аймағында жұмыс жасайтын дәрігерлердің жалақысы жоғары болатынын айтты.
“Үкімет дәрігерлерді қолдау шараларын қабылдауда. Бұл қолдау олардың қажеттіліктерін қаншалықты қанағаттандырады деген сұрақ туындайды. Өйткені жағдай қиын, ертең не боларын білмейміз. Жұмыс қиын болғандықтан, дәрігерлер “біз ары қарай шыдай алмаймыз” деп жұмыстан шығып кетулері әбден мүмкін”, –дейді Ұлттық денсаулық сақтау палатасының тәуелсіз сарапшысы Бақытжан Сексенбаев.
Желіде эпидемиологтар, реаниматологтар, жұқпалы аурулар бойынша мамандар іздегендер өте көп. Еліміздің барлық аймағында мамандар тапшылығы байқалуда. Мұндай мамандарға 190 мың теңгеден 600 мың теңгеге дейін ұсынылады.
Тағы көру
