Жамбыл облысында хакер балалар ауруханасының шотынан 350 млн теңге ұрлады
17.02.2025
1 мин
0
108
Сурет: depositphotos
Жамбыл облысында хакер балалар ауруханасының шотынан 350 млн теңге ұрлады. Ұрланған ақшаның 305 млн теңгесі медициналық мекеменің шоттарына қайтарылды, - деп хабарлайды Dauletten.kz.
Жамбыл облысының полициясы балалар облыстық ауруханасына жасалған хакерлік шабуыл нәтижесінде 350 млн теңгені ұрлады деген күдікпен ер адамды ұстады. Оқиға 2024 жылдың мамыр айында болған, содан кейін құқық қорғау органдары сотқа дейінгі тергеу жұмыстарын бастады. Полицейлер бұрын сотталған 33 жастағы ер адамды қолға түсірді. Ұрланған ақшаның 305 млн теңгесі медициналық мекеменің шоттарына қайтарылды. Қылмыстық іс материалдары өңірдің экономикалық тергеу департаментіне одан әрі тергеу үшін берілді.
