|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ұлттық банк 200 теңге және 100 теңгелік "Qazaqstan halqy assambleiasy" коллекциялық монеталарын айналымға шығарды.
Жаңа монеталар Қазақстан халқы Ассамблеясың 25 жылдығына орай шығарылып отыр.
"Qazaqstan halqy assambleiasy" монеталарының сипаттамасы
Монеталардың бет жағындағы (аверсінде) орталық бөлігінде Қазақстан Республикасының мемлекеттік елтаңбасы бейнеленген. Сол және оң жағында – ұлттық нақыштағы ою бейнеленген. Нейзильберден жасалған монетаның төменгі бөлігінде номиналын білдіретін "100 teńge" жазуы, ал мельхиордан жасалған монетаның астында "200 teńge" жазуы орналасқан.
Айналдыра "Qazaqstan ulttyq banki • National bank of Kazakhstan" деген жазбалар бар.
Монеталардың сыртқы жағында (реверсінде) күн сәулесінің аясында оқиғаның мерейтойлық күнін білдіретін "25" жазуы бар ою-өрнек картасы орналасқан. Кескіннің астында ассамблеяның құрылған жылы мен мерейтолық жылды және теңгенің соғылған жылын білдіретін "1995 • 2020" деген жазу бар. Төменгі бөлігінде – мемлекеттік ту элементі мен айналдыра "Qazaqstan halqy assambleiasy" және "Ассамблея народа Казахстана" деген жазбалар бейнеленеді.
Монеталар төлемдердің барлық түрлері бойынша Қазақстан аумағында олардың белгіленген құнымен қабылдануға, сондай-ақ банк шоттарына есепке алынуға және аударылуға міндетті. Елдегі барлық банктерде шектеусіз ұсақталады және айырбасталады.
