|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
2025–2026 оқу жылының қарсаңында елімізде әлеуметтік осал санаттағы оқушыларды мектепке дайындау мақсатында "Жалпыға бірдей білім беру" қоры аясында ауқымды қолдау жұмыстары жүргізілуде. Бұл туралы ҚР Оқу-ағарту министрлігі мәлімдеді, - деп хабарлайды Dauletten.kz.
Министрліктің мәліметінше, биыл 500 мыңнан астам балаға көмек көрсетілмек. Қор дәстүрлі түрде:
• Жетім балалар мен ата-ана қамқорлығынсыз қалғандарға,
• Аз қамтылған және атаулы әлеуметтік көмек алатын отбасылардың балаларына,
• Өмірлік қиын жағдайға тап болған балаларға бағытталған.
Қаржылай көмек ата-аналардың есепшоттарына аударылады, бұл мектеп формасын, аяқ киімді және кеңсе тауарларын өз таңдауы бойынша сатып алуға мүмкіндік береді.
2025 жылы бір балаға бөлінетін ең төменгі көмек сомасы – 46 228 теңге.
- Оқу-ағарту министрлігі әлеуметтік осал санаттағы балаларға көмек көрсету бойынша ашық әрі ыңғайлы тетік қалыптастырды. Бұл қолдау бүгінде барлық өңірде іске асырылуда, – деді ҚР Оқу-ағарту министрлігі Балалардың құқықтарын қорғау комитетінің төрайымы Насымжан Оспанова.
Қолдау шарасы жаңа оқу жылын толыққанды бастауда балаларға нақты көмек көрсетуді көздейді.
Тағы көру
