|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Кейбір қаржы мамандары адамның ақшаны қалай ұстайтынына қарап оның қандай екені туралы ой қорытуға болады деген пікірде. Яғни олар қаржыға қатысты әдеттеріміз өмірлік философиямызды, ұстанымдарымызды, біліміміз бен ойларымызды, тіпті мінезімізді көрсететінін айтады.
Мысалы, кірісіңіз бен шығысыңызды қалай басқаратыныңызды бақылап көріңізші. Ақшаңыздың 80 процентін ғана ақылмен жұмсап, қазіргі табыс көзінің тұрақты болмауы мүмкін екенін ескеріп жүрсіз бе? Әлде шығыныңыз тапқан табысыңыздан асып жығыла ма?
Егер шығын мөлшері кірістен көп болса, қаржылық тұрғыдан кері кетудің белгісі. Ал саяхатты немесе «керек затыңызды» қарызға алуыңыз, кері кетуге жасаған қадамыңыз.
Сондықтан өміріңізде қаржылық тұрғыдан кері кету барын аңғарсаңыз, оны бастапқы кезеңде тоқтатқан абзал. Өйткені қаржылық кері кетуді «асқынғанда» аңғару еш пайда бермеуі мүмкін.
Оған себеп, кез келген өмірлік таңдаулар үшін жауап беретініміз. Мысалы, жылдар бойы күніне шылымның екі қорабын тауысқан адамның жақсылықтан үміт күтіп, жаман әдетін дәрігерлер ештеңемен көмектесе алмайтын сәтте қоюы сияқты өкінішті жағдайлар қаржылық тұрғыдан да орын алуы мүмкін.
Сондықтан келер жылдан табысыңызды арттыруды көздеп, қаржылық кері кетудің алдын алғыңыз келсе, төмендегі қаржылық әдеттер өзіңізге арналған.
Жоғарыда шығыстың кірістен көп болмауының маңызына тоқталып өттік. Сәйкесінше, біз ұсынған қаржылық әдеттердің де кіріс пен шығысты қадағалаудан басталуы заңды. Бұл баршаға мәлім нәрсе болғанымен, оны ұстанатындар аз. Алайда қаржылық жағдайды жақсарту бірінші кезекте кіріс пен шығысты қадағалаудан басталады. Өйткені сол арқылы ақшаңыздың қайда кетіп жатқанын түсінесіз.
Уақытыңызды есеп-қисапқа құртудың қажеті жоқ. Ол үшін арнайы қосымшалар бар. Олардың ішінде ең кең таралғандары:
Саяхатты, көлікті, үйді, қосымша білім алуды және басқа да дүниелерді өмір бойы армандап қана өтуге болады. Бірақ арманның ақиқат болуы үшін оны қаржылық мақсатқа айналдыру керек.
Қолыңызға қағаз бен қалам алып, төмендегі сұрақтарға жауап беріп көріңіз:
Осы сұрақтарға жауап беру арқылы арманыңызды нақты қаржылық мақсатқа айналдыра аласыз. Ал мақсатқа айналған арман міндетті түрде орындалады.
Ақшаны дұрыс жинай білудің нәтижесі бай болуға әкеледі. Белгілі бір жинақсыз материалдық тұрақтылық болмайды. Заманауи технологиялардың көмегімен еш күш жұмсамай, барлық кірістің 10-20 процентін жинақ шотына немесе депозитке автотөлем қызметі арқылы автоматты түрде аударып отыруға болады. Егер осы әдетті қазір қалыптастыра алсаңыз, алдағы уақытта өміріңізден оң өзгеріс байқайтыныңыз анық.
Егер қаржылық табысқа қырық немесе елу жасыңызда жетпеген болсаңыз, ол сіздің мемлекетіңіздің, өмір сүрген кезеңіңіздің, қоғамыңыздың нашар екенін немесе нашар адам екеніңізді білдірмейді. Ол осы уақытқа дейін нашар жоспармен жүргеніңіздің белгісі. Яғни өмір мектебіңізде қаржылық сауат пәні жоқ. Бірақ есте ұстайтын нәрсе, жасыңыз нешеде болса да, дұрыс жолға түсуге кеш не ерте болмайды. Мысалы, біз ұсынған қарапайым 3 қаржылық әдетті қалыптастырудың өзі келер жылдан үлкен қаржылық табыстарға жетуіңізге жол ашуы мүмкін.
Жансая ҚАМБАР
Тағы көру
