Жаңалықтар

Жапония Қазақстан мұнайына балама жеткізуші ретінде қызығушылық танытты

10.04.2026

мин

0

90

Сурет: Ulysmedia.kz

Энергетикалық қауіпсіздікті күшейтуді көздеген Жапония билігі мұнай импортын әртараптандыру үшін Қазақстанмен ықтимал ынтымақтастықты қарастырып жатыр, — деп хабарлайды Dauletten.kz. 

Жапония үкіметі ішкі нарықтағы сұранысты қамтамасыз ету мақсатында ұлттық мұнай қорындағы шамамен 20 күндік резервті пайдалануды жоспарлап отыр. Бұл қадам әлемдік нарықтағы тұрақсыздық аясында қабылданған.

Бұған дейін Жапония мұнайдың басым бөлігін, нақтырақ айтқанда 95 пайызын Таяу Шығыс елдерінен импорттап келген. Алайда Ормуз бұғазы төңірегіндегі жағдайдың күрделенуі жеткізу тізбегіне қауіп төндіріп отыр.

Осыған байланысты Токио мұнай жеткізуді әртараптандыру жолдарын іздестіріп, балама бағыттарға назар аударуда. Солардың қатарында Қазақстан да бар.

Сонымен қатар Жапония АҚШ, Малайзия, Латын Америкасы және Африка елдеріндегі серіктестермен де келіссөздер жүргізіп жатыр. Сарапшылардың пікірінше, бұл қадам елдің энергетикалық тәуелділігін азайтуға бағытталған.