|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ескелді ауданының Қарабұлақ ауылында орналасқан «Малика» азық-түлік дүкенінде газ-ауа қоспасының жарылысы болып, үш адам ауруханаға жеткізілді, - деп хабарлайды Dauletten.kz.
15 ақпан күні сағат 18:45 шамасында Жетісу облысы Ескелді ауданының Қарабұлақ ауылындағы «Малика» дүкенінде газ-ауа қоспасы жарылған. Алдын ала мәліметке сәйкес, жарылыстан кейін өрт тұтанбаған.
Алайда оқыс оқиға салдарынан нысанның сыртқы қабырғасы мен шатыр жабындысының бір бөлігі құлаған. Жалпы көлемі шамамен 36 шаршы метр аумаққа зақым келгені анықталды.
Жарылыс кезінде үш адам түрлі жарақат алып, аудандық орталық ауруханаға жеткізілді. Дәрігерлер олардың жағдайын орташа ауыр деп бағалап, тұрақты бақылауда ұстап отыр.
Оқиға орнына төтенше жағдайлар қызметінің 27 қызметкері мен 6 техника бірлігі жұмылдырылды. Қазір тиісті мамандар жарылыстың шығу себептерін анықтап жатыр.
