|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қаржы мониторингі агенттігінің Жетісу облысы бойынша департаменті мемлекет қаражатын жымқыру дерегі бойынша тергеу жүргізіп жатыр, - деп хабарлайды Dauletten.kz.
Тергеу мәліметінше, жауапкершілігі шектеулі серіктестік басшысы екі жыл бойы жалған құжаттарды пайдаланып, сүт өнімдерін қайта өңдеуге арналған мемлекеттік субсидияларды заңсыз иемденген. Келтірілген залалдың жалпы көлемі 300 миллион теңгеден асты.
Шығындарды растау үшін "Ауыл шаруашылығы басқармасына" жеке кәсіпкерлерден шикі сүт сатып алу жөніндегі жалған есеп айырысулар мен май өндіру туралы жалған мәліметтер ұсынылған.
Сонымен қатар заңсыз алынған қаржының 110 миллион теңгесі құмар ойындарға жұмсалғаны анықталды.
Сот санкциясымен құны 300 миллион теңгеден асатын зауытқа тыйым салынды. Күдіктіге қатысты бұлтартпау шарасы ретінде үй қамаққа алу қолданылды.
Тергеу жалғасуда. ҚР ҚПК-нің 201-бабына сәйкес өзге ақпарат жария етуге жатпайды.
