|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Жетісу облысында үш әйел ер адамнан 800 мың теңге талап етті деген күдікпен ұсталды, - деп хабарлайды Dauletten.kz ІІМ-нің Polisia.kz ақпараттық медиа-порталына сілтеме жасап.
Басылым мәліметінше, күдіктілерді 6 наурызда Жетісу облысы полиция департаментінің ұйымдасқан қылмысқа қарсы күрес басқармасының қызметкерлері ұстаған.
Полицияның дерегінше, оқиға ақпан айында басталған. Б. есімді азамат “Друг Вокруг” әлеуметтік желісі арқылы А. есімді бойжеткенмен танысып, сөйлесіп жүрген. Бір күні А. оны қонаққа шақырады. Алайда ол көрсетілген мекенжайға келгенде пәтерде тағы екі бейтаныс қыздың барын көреді. Біраз уақыттан соң қыздардың бірі ер адамға басқа бөлмеге оңашалануды ұсынған.
Осы сәтте екеуі шешіне бастағанда, қалған екі қыз кенеттен бөлмеге баса-көктеп кіріп, ер адамды кәмелетке толмаған қызды зорламақ болды деп айыптайды. Күдіктілер одан 800 мың теңге талап етіп, ақшаны бермесе полицияға шағым түсіретінін айтып қорқытқан. Құжаттарын кепіл ретінде алып, толық соманы алған соң қайтаратынын ескерткен.
Қысымға шыдамаған ер адам екі рет 50 мың теңгеден беріп үлгерген. Алайда үшінші рет — 30 мың теңге берген сәтінде күдіктілерді полиция қызметкерлері қолға түсірген.
Қазіргі таңда тергеу амалдары жүргізіліп жатыр. Полиция оқиғаның толық мән-жайын анықтап, қылмысқа қатысы бар басқа да адамдардың бар-жоғын тексеруде.
