Жаңалықтар

Жұмыссыз қалғандарға жәрдемақы төленетінін білесіз бе?

15.10.2024

мин

0

2418

Сурет: gov.kz

Жұмысынан айырылған жағдайда әлеуметтік төлем алуға болады, - деп хабарлайды Dauletten.kz.

Жұмыссыз қалғандарға жәрдемақы төленетінін білесіз бе? Ол қандай жағдайда төленеді және оған өтінішті қалай беру керек. Аталған жердемақыға өтініш берудің бірнеше жолы бар:

Egov.kz порталы арқылы

• Порталға кіріп, іздеу жолында "Жұмысынан айырылу жағдайына әлеуметтік телем тағайындау" деген қызмет атауын теріңіз
• Қызметті онлайн сұратыңыз
• Портал ең алдымен тұрғылықты ауданыңызды растауды сұрайды
• Анықтаманы алу арқылы жұмыссыз ретінде тіркелгендігіңізді растаңыз
• ЭЦҚ арқылы өтінішке қол қойыңыз
• Қызметтің нәтижесін жеке кабинетінізден біле аласыз.
   

Екіншіден  ХҚО арқылы

 ХҚО-ға кезекті алдын ала онлайн брондаңыз.  
 ХҚО-ға барған сәтте жеке куәлік, жұмыссыз ретінде тіркелгеніңіз туралы анықтама (жұмыспен қамту орталығынан аласыз) мен жәрдемақы аударылатын банк шоты туралы ақпаратты ұсынасыз.

Жердемақыға өтініш беруші жұмыссыз ретінде тіркелген және бұған дейін ресми жұмыс істеген азамат болуы керек. Өтініш 8 жұмыс күні ішінде қаралады. Жәрдемақы 1 айдан 6 айға дейін төленуі мүмкін. 

Жұмыссыздығы бойынша жәрдемақы қай кезде тоқтатылады?

• Жұмысқа орналасқан жарғайда
• Зейнет жасына жеткенде
• Жәрдемақы тоқтату туралы өтініш бергенде
• Қайтыс болған жағдайда тоқтатылады.