|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
2025 жылдың 13 мамырынан бастап ұзындығы 175,8 шақырымды құрайтын республикалық маңызы бар "Шу–Бурылбайтал" автожолы ақылы жүйеге көшеді, - деп хабарлайды Dauletten.kz.
Бұл туралы Көлік министрлігінің ресми бұйрығында хабарланды.
Жол ақысы көлік түріне қарай мынадай мөлшерде белгіленген:
• 16 орынға дейінгі автобустар мен жүк көтергіштігі 2,5 тоннаға дейінгі көліктер үшін – алдын ала төлем 1 031 теңге, кейінгі төлем 1 213 теңге;
• 32 орынға дейінгі автобустар мен 5,5 тоннаға дейінгі жүк көліктері үшін – алдын ала төлем 2 082 теңге, кейінгі төлем 2 446 теңге;
• 32 орыннан жоғары автобустар мен 10 тоннаға дейінгі автопойыздар үшін – алдын ала төлем 3 114 теңге, кейінгі төлем 3 659 теңге;
• 10-15 тонна аралығындағы жүк көліктері үшін – алдын ала төлем 4 156 теңге, кейінгі төлем 4 891 теңге;
• 15 тоннадан жоғары тіркемелі және ершікті тартқыштар үшін – алдын ала төлем 5 187 теңге, кейінгі төлем 6 105 теңге.
Сонымен қатар көлік иелері үшін 1-ден 60 АЕК-ке дейінгі мөлшерде айлық немесе жылдық абонемент алу мүмкіндігі қарастырылған.
Ведомство мәліметінше, бұл жол бөлігінде төлем жүйесі 20 жыл бойы қолданылатын болады.
