|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
16 жылдық үзілістен кейін небәрі екі апта жаттығып, төрт баланың анасы әлем чемпионатында күміс медаль жеңіп алды, - деп хабарлайды Dauletten.kz.
2008 жылы Бейжің Олимпиадасына қатысқан қазақ дзюдошысы Келбет Нұрғазина Лас-Вегаста (АҚШ) ардагерлер арасында өткен әлем чемпионатында 52 кг салмақта белдесіп, күміс жүлдегер атанды.
- 16 жылдық спорттағы үзілістен кейін, тұрмыс құрып, төрт баланы тәрбиелеп, 8 жыл мемлекеттік қызметте еңбек еткеніме қарамастан, екі апта жаттығып, әлем чемпионатында күміс медаль иелендім. Бұл – ардагерлер арасында болса да, мен үшін лайық жеңіс, – деп жазды Келбет Нұрғазина Instagram-дағы парақшасында.
Айта кетсек, Келбет Нұрғазина – дзюдодан 2006 жылғы жазғы Азия ойындарының қола жүлдегері, самбодан жасөспірімдер мен жастар арасында әлем чемпионы, сондай-ақ ересектер арасындағы әлем чемпионатының қола жүлдегері.
2004-2008 жылдары дзюдодан ұлттық құрама сапында 48 кг салмақта өнер көрсеткен спортшы Бейжің Олимпиадасында 9-орынға ие болған.
