Жаңалықтар

Қазақстан Азия даму банкінен 227,4 млрд теңге қарыз алады: қаражат қайда жұмсалады?

04.11.2026

0 мин

0

96

Қазақстан бюджет шығыстарын қаржыландыру үшін Азия даму банкінен 3,4 млрд қытай юані көлемінде қарыз тартуды жоспарлап отыр. Бұл шамамен 227,4 млрд теңгеге тең, - деп хабарлайды Dauletten.kz.

Құрылтай Қазақстан Республикасы мен Азия даму банкі арасындағы қарыз туралы келісімді ратификациялауға қатысты заңды екі оқылымда қабылдады.

Келісімге сәйкес, Қазақстан қарызды 15 жыл ішінде өтеуі тиіс. Оның алғашқы үш жылы жеңілдік кезеңі ретінде белгіленген. Жылдық пайыздық мөлшерлеме 1,69%-ды құрайды. Сонымен қатар пайдаланылмаған қарыз қаражаты үшін жылына 0,15% мөлшерінде комиссия төлеу көзделген.

Қарыз қаражаты қандай мақсаттарға бағытталады?

Тартылатын қаржы республикалық бюджеттің басым бағыттардағы шығыстарын жабуға жұмсалады. Атап айтқанда, әлеуметтік саланы қолдау, көлік инфрақұрылымын дамыту, өнеркәсіп пен білім беру салаларын қаржыландыру көзделіп отыр.

Бұдан бөлек, қаражат бюджетте қарастырылған өзге де маңызды бағыттарға бөлінеді.

Осылайша Азия даму банкінен алынатын қарыз мемлекеттік бюджеттің бірқатар шығысын қаржыландыруға бағытталмақ.