|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
8 қарашада Қазақстан астанасында самбодан әлем чемпионатының ашылу салтанаты өтті, турнир 10 қарашаға дейін жалғасады, - деп хабарлайды Dauletten.kz.
Астанада соңғы он жылдағы ең ауқымды самбодан әлем чемпионаттарының бірі басталды. Бұл маңызды шара рекордтық қатысушылар санын жинады: турнирге 80 елден 469 спортшы қатысады. БАҚ мәліметі бойынша, турнирдің жүлде қоры 300 мың доллардан асады.
Салтанатты рәсім жарқын қойылыммен басталды, онда қазақ мәдениетінің элементтері көрсетілді. Сахнада ұлттық музыкалық аспаптар – домбыра мен қобыздың сүйемелдеуімен дәстүрлі билер орындалды.
Ашылу салтанатындағы басты қонақтардың бірі аралас жекпе-жектің аты аңызға айналған спортшысы Федор Емельяненко болды. Іс-шарада ұйымдастырушылар мен халықаралық самбо федерациясының өкілдері, оның ішінде ФИАС президенті Василий Шестаков құттықтау сөз сөйледі. Шестаков жарыстың ұйымдастырылуын жоғары бағалады.
- Мен Астанадағы чемпионаттың ұйымдастырылуын керемет деп бағалаймын. Қала басшылығы жарысты өткізуге үлкен жауапкершілікпен қарады. Зал тамаша безендірілген. Көрермендер көп. Оларға ыңғайлы. Жекпе-жектер жарқын өтуде. Әрине, Қазақстанда самбо өте қарқынды дамып жатқанын атап өткім келеді, – деді Шестаков.
Айта кетейік, самбодан әлем чемпионатында алғаш рет “әйелдер жауынгерлік самбосы” және “көз жанары нашар адамдар самбосы” дисциплиналары бойынша медальдар сарапқа салынып жатыр.
Самбодан әлем чемпионатының алғашқы күнінде 10 медаль жиынтығы ойнатылды. Турнирде барлығы ерлер мен әйелдер арасында спорттық самбодан, ерлер мен әйелдер арасында жауынгерлік самбодан, сондай-ақ ерлер арасында SVI-1 (көру қабілеті мүлде төмен спортшылар) сыныбында көз жанары нашар самбодан 31 медаль жиынтығы ойнатылады.
