|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Астанада қазақ халқының ұлттық сусыны – қымызға арналған ел тарихындағы алғашқы ауқымды фестиваль –"BaiQymyz" шарасы өтіп жатыр, - деп хабарлайды Dauletten.kz.
Бүгін, яғни шараның алғашқы күні елордада жаңа рекорд тіркелді – еліміздің барлық өңірінен қатысушылар 30 тоннадан астам қымыз алып келген. Мұндай көлемдегі шара Қазақстанда бұрын-соңды ұйымдастырылмаған.
"BaiQymyz" фестиваліне республика бойынша 50-ден астам қымыз өндіруші қатысуда. Әрқайсысы 500 литрден астам қымыз алып келіп, келген қонақтарды сусынмен тегін қонақ етіп, өздерінің қымыз ашытудағы бірегей әдіс-тәсілдерін таныстырып жатыр.
Айта кетейік, фестиваль 19-20 шілде күндері Астанадағы "Қазанат" атшабарында өтуде. Қымыздан дәм татудан бөлек, келушілер ұлттық тағамдардың түр-түрінен ауыз тиіп, фольклорлық өнерпаздардың өнерін тамашалап, қолөнер жәрмеңкесін аралап, концерттер мен жылқы көрмесін де көре алады.
"BaiQymyz" жобасы – қымыз ішу мәдениетін қайта жаңғыртуға, фермерлікті дамытуға және жергілікті брендтерді ілгерілетуге бағытталған.
