|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстандықтар салықтық рақымшылық аясынды 7,6 млрд.теңге көлеміндегі салықтық қарыздарды төледі. Десе де, ел азаматтарының салық бойынша қарызы 20 миллиард теңгеге жуықтады, деп хабарлады ҚР ҚМ Мемлекеттік кірістер комитетінің баспасөз қызметі.
Бүгінде бүкіл Қазақстан бойынша 613,7 мың азаматтың көлік салығы 17 млрд теңгені құрайды. Көлік иелерінің 90,4%-нің 50 мың теңгеге дейінгі қарыздары бар.
Мүлік салығы бойынша 2,3 млрд теңге қарызды 777,8 мың жеке тұлға беруі тиіс. Олардым басым көпшілігі, яғни 66,3%-і ел бюджеті алдындағы қарыздары 1 000 теңгеден аспайды. Алайда, салықтың бұл түрі бойынша қарызы миллионнан асқандар саны - 33 адам (осы санаттағы борышкерлердің жалпы санының 0,004%).
Жер салығы бойынша 15 адамның бір миллионнан астам қарызы бар (осы санаттағы барлық борышкерлердің 0,002%). Ал, мемлекетке 1 000 теңгеден аз қарызы барлар - 528,6 мың адам немесе 92,6%.
МКК жыл соңына дейін салықтар бойынша негізгі қарызды төлеген жағдайда өсімпұлды есептен шығару бойынша рақымшылық қолданылатынын еске салады. Салықтық рақымшылық жүргізу мерзімі – 2020 жылғы 31 желтоқсанға дейін.
Салықтар бойынша берешектің бар/жоқ екендігі туралы мәліметтерді http://kgd.gov.kz/ru/app/culs-taxarrear-search-web сілтемесі бойынша, сондай-ақ eSalyq mobile (AppStore, PlayMarket) мобильді қосымшасы арқылы тексеруге болады.
