Жаңалықтар

Азия біріншілігінде Қазақстан үш бірдей алтын медаль иеленді

10.04.2026

мин

0

87

Ұлан-Батырда өтіп жатқан бокстан Азия чемпионатында қазақстандық үш боксшы финалда жеңіске жетіп, алтын медаль иеленді, — деп хабарлайды Dauletten.kz. 

Бокстан Азия чемпионаты аясында Қазақстан құрамасы жоғары нәтиже көрсетіп жатыр. Финалдық жекпе-жектерде ел намысын қорғаған үш спортшы қарсыластарынан басым түсті.

85 келі салмақта Нұрбек Оралбай өзбекстандық Жасурбек Юлдошевпен қолғап түйістіріп, жекпе-жек бойы сенімді өнер көрсетті. Нәтижесінде төрешілердің бірауыз шешімімен жеңіске жетті.

+90 келіде Айбек Оралбай қытайлық Данабек Байкенжемен кездесіп, шешуші сында айқын басымдық танытып, алтын медаль еншіледі.

Ал 75 келіде Сабыржан Аққалықов өзбекстандық Жавохир Абдурахимовпен жұдырықтасып, 5:0 есебімен айқын жеңіске жетті.

Осылайша Қазақстан құрамасы құрлықтық біріншілікте алтын медаль санын көбейтіп, табысты өнер көрсетуді жалғастырып келеді.