|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәжіліс отырысында Қаржы нарығын реттеу және дамыту агенттігінің басшысы алаяқтық несиелер рәсімделген азаматтарға залалды өтеу мәселесі бойынша жүргізіліп жатқан жұмыс туралы айтып берді, - деп хабарлайды Dauletten.kz.
- Біз жұмыс істеп жатқан мәселе — бұл азаматтарға алаяқтық несиелер рәсімделген жағдайда келтірілген залалды өтеу мүмкіндігі. Биылғы жылдың басында заң деңгейінде несиеден ерікті түрде бас тарту енгізу нормасы қарастырылған. Бұл норма жұмыс істеп тұр: 700 мың адам eGov арқылы ерікті бас тарту белгісін қойды. Енді егер осы белгі болған жағдайда несие берілсе, онда сот шешімімен мұндай несие міндетті түрде қарыз алушыға есептен шығарылады. Екіншіден, егер несие қарыз алушының жеке қатысуынсыз рәсімделсе, қарызды есептен шығару да қарастырылған. Яғни, оның дербес мәліметтеріне қол жеткізу бір жолмен мүмкін болған және ол бұған өзі қатыспаған жағдайда, – деді Қаржы нарығын реттеу және дамыту агенттігінің басшысы Мәдина Әбілқасымова. Ол сондай-ақ агенттік алаяқтық несиелерді есептен шығару үшін азаматтардың құқықтарын қорғау мақсатында критерийлер мен негіздерді кеңейту мүмкіндіктерін қарастыратынын айтты.
Еске сала кетейік, 20 тамыздан бастап Қазақстандағы кредиторлар азаматтарға заңсыз рәсімделген несиелерді есептен шығаруға және алаяқтық іс бойынша тергеу кезінде оларды тоқтатуға міндеттелді. Сондай-ақ, 1 қыркүйектен бастап егер азаматқа несие алу үшін ерікті бас тарту белгісі қойылған болса, кредиторлар кез келген несиені есептен шығаруы тиіс.
