|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Декреттік төлем есебінен үй, көлік алған 113 әйелге қатысты сот процесі басталмақ. Астанада өткен мәслихат депутаттарының отырысында Светлана Жақыпова осы мәселеге қатысты бірқатар сұрақтарға жауап берді, - деп хабарлайды Dauletten.kz.
Астанада өтіп жатқан мәслихат депутаттарының жиынында Светлана Жақыпова бірнеше сұраққа жауап берді
– Жуырда декреттік төлемдерге өзгерістер енгізіп жатырсыздар. Бұл бастама неге қоғаммен алдын ала талқыланбады? Мұндай ауқымды өзгерістерді жұртшылықтың пікірінсіз қабылдаудың себебі неде? Қандай нақты өзгерістер көзделіп отыр?
– Біздің бұйрығымыз ашық порталға орналастырылды, ол барлық мемлекеттік органдардың келісімінен өткен. Жаңалықтар жұмыс істейтін әйелдердің құқықтарын қорғауға бағытталған. Мысалы, әлеуметтік сақтандыру қорына 12 жыл бойы аударым жасаған әйел 1,2 миллион теңге алса, мүлде жұмыс істемеген, бірақ екі ай ішінде “жеке кәсіпкер” ретінде тіркеліп, 14 миллион теңге алғандар да болды. Осыған байланысты әлеуметтік әділдікті сақтау үшін бұйрыққа өзгерістер енгізілді. Енді төлем мөлшері ең төменгі жалақының жеті еселік көлемінен аспайды. Мәселен, айлық табысы 595 мың теңге деп есептелсе, онда шамамен 2 миллион теңгеден астам алады.
– Бірақ 595 мың теңгеден жоғары жалақы алатын әйелдер де бар ғой.
– Ондай азаматшалардың тізімі бізде бар. Жалпы, жүкті әйелдердің де деректері бізде тіркелген. Олармен бірге жұмыс берушілерімен де байланыс жасаймыз. Еңбек кодексіне сәйкес, егер ұжымдық немесе жеке еңбек шартында көрсетілсе, қысқартылған төлемнің орнын жұмыс беруші толтыруға міндетті. Сондықтан алаңдауға негіз жоқ.
– Сонда, жалған кәсіпкерлік ашып, жасанды табыс көрсетуге енді тосқауыл қойыла ма? Мұндай әрекетке барғандар қандай жауапкершілікке тартылады?
– Иә, дәл осындай заңсыз әрекеттер бойынша 113 қылмыстық іс қозғалды. Бір іс қазірдің өзінде сотқа жіберілді. Екі адамның мүлкіне шектеу қойылды. Бір жылдың ішінде декреттік төлем арқылы үй, көлік сатып алғандар да болды. Түсінесіз бе? Енді олардың әрекеттеріне сот шешімімен нақты баға беріледі.
