|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
10 маусым күні қазақстандықтар үшін кәсіпкерлікті оқытатын жоба басталады. Аталмыш жобаға өтінім қабылдау басталып кетті. Оқырмандар арасынан бұл жоба қызығушылық танытқандар басым. Осы орайда біз арнайы маманмен сұхбаттасуды жөн көрдік. Бизнес-кеңесші Назым Әлиева «Бастау Бизнес» жобасы жайлы кеңірек тоқталды.
- «Бастау Бизнес» жобасы жайлы түсіндіріп өтсеңіз
«Бизнес бастау» жобасы «Еңбек» бағдарламасы шеңберінде жүзеге асырылып отыр. Ал «Еңбек» бағдарламасы жұмыссыздықты азайту және монополист компанияларға бәсекелестік тудырып, нарықтағы бағаларды төмендету мақсатында ұйымдастырылып отыр. «Бизнес Бастау» жобасы нақты жұмыссыздарға және кәсіпкерлікті енді бастаған жандарға арналған. Жобаға тіркелу басталды. Оқу барысын онлайн өтетін болғандықтан қатысушыларға шәкіртақы төленбейді. Оқу ұзақтығы 21 күн. Қатысушы оқу барысында жоба дайындап, қорғап шықса 555 600 теңге көлемінде қайтарымсыз грант ұтып алуға мүмкіндігі бар. Осы орайда, жобаның маңызды тұсына тоқталғым келеді. Бөлініп жатқан қаражат – кәсіп бастауға берілетін мүмкіндік. Жобаға қатысқан әр қатысушы осы мүмкіндікті пайдаланып, әрекет етіп, кәсіпті дамытуға тырысу керек. Бүгінгі таңда біздің ішетін тамақтарымыз, киетін киіміміз, сатып алып жатқан әр техникамыздың бәрі - импорт. Біздің ел, біздің мемлекет шикізат көзіне айналып кеткен. Басқа мемлекеттер шикізатты бізден сатып алып, өңдеп өзімізге қайта сатуда. Одан мемлекетіміздің экономикасы өспейді. Біз тек басқа мемлекеттердің табысын арттырып жатырмыз. Сондықтан елдімізде шикізатты өзіміз өңдемейінше алға жылжымаймыз. «Бастау Бизнес» бағдарламасының аты айтып тұрғандай кәсіпті бастауға арналған жоба. Оқу барысында жақсы жобамен көзге түскен, жобаны сәтті қорғап шыққан қатысушыларға берілетін сертификатпен қатар ары қарай 2-5 миллионға дейін қайтарымсыз грант ұтып алу мүмкіндігі беріледі.
- Жобаға кімдер қатыса алады?
Жобаға нақты жұмыссыз жүрген азаматтар қатыса алады. Жас ерекшелігіне шектеу жоқ. Бюджеттік салада қызмет ететін мамандар бұл жобаға қатыса алмайды. Жобаға жұмыссыздар, сондай-ақ Қазақстан Республикасының Үкіметі айқындайтын қызметкерлердің жекелеген санаттары қатыса алады, соның ішінде:
- ауылдық жер, қалалар, сондай-ақ моно және шағын қалалардың тұрғындары;
- мүмкіңдігі шектеулі жандар, егер медициналық қорытындыға сәйкес, олардың денсаулығы еңбек міндеттерін орындауға кедергі жасамаса немесе денсаулығына және (немесе) басқа адамдардың қауіпсіздігіне қауіп төндірмесе;
- зейнет демалысына дейінгі 50 жастан асқан адамдар;
- жастар, соның ішінде NEET (жұмыс істемейтін, оқу оқымайтын) санатындағы қыз-жігіттер;
- аз қамтылған және көп балалы отбасы мүшелері;
- қоныс аударғандар мен қандастар;
- кәсіпті жаңадан бастаушылар (3 жылға дейін) және белсенді кәсіпкерлер
Жұмыссыз немесе ИП ашылған уақыты 3 жылға толмаса, грантқа жоба ұсына аласыз. Ал егер әлеуметтік осал топқа жатсаңыз, бірден грантқа жоба ұсынуға болады. Бірақ сертификат берілмейді. Сертификат берілмеген жағдайда 2-5 миллион аралығында берілетін грантқа қатыса алмайсыз.
- Өтінімдерді қалай жіберуге болады?
Жұмыспен қамту орталығына барып жолдама аласыз. Статус тексеру арқылы сізге жолдама беріледі. Сол жолдамамен
1.http://atameken.co/en/course-bastau сілтемесі арқылы сайтқа кіресіз
2. «Бастау Бизнес» онлайн курсын таңдаңыз
3.Оқыту барысына кіріспес бұрын курс құрылымымен, бизнес жоспарды тапсыру ережелері мен мерзімдерімен танысып шығыңыз. Курс барысы бейне сабақтардан, 12 презентациялық модульдерден, әр сабақтың қысқаша мазмұнынан, тапсырмалардан, бірнеше бизнес жоспардан тұрады
4. Сіздің экраныңызда «өтінім беру» функциясы бар, соны таңдаңыз
5. Экранда оқыту шарттары шығады
Егер сіз оқу шарттарымен келіссеңіз, «қабылдау» батырмасын басып, өзіңіз жайлы жеке мәліметтерді көрсетіп, сауалнама толтырасыз. Өзіңіздің санатыңызды толтырғанда мұқият болыңыз. Егер сіз өзін-өзі жұмыспен қамтығандар қатарына жатсаңыз, ұйым нысанын таңдайсыз. Өтінімді толық толтырып болғанда, өтініміңіздің сәтті берілгені туралы хабарлама шығады. Өзіңіз жайлы мәліметтерді қатесіз жазыңыз, себебі қателескен жағдайда жүйе 3 күн ішінде сізге оқу барысына кіруді бұғаттайды.
- Қайтарымсыз гранттар қандай талаптар бойынша беріледі?
Қатысушылар арасында 555 600 теңге берілетін грантқа қатысты талаптар әлі белгісіз. Ол жағы оқу басталғанда анықталады. Ал 5 миллионға қатысты талап қатысушылар текстілеуден 40 балл жинағанда ала алады. Бастысы қазіргі нарыққа сай маңызды жоба ұсынып, сол жобаға сай коммерциялық жағынан есебін дұрыс өткізу керек.
- Сабақ қалай өтеді?
Сабақты 21 күн ішінде ғана емес, ертерек бітіруге де болады. Бейнесабақтарға рұқсат берілуі үшін сізге 15 сұрақтан тұратын тестілеуден өту керек. Оқу 12 модульден құралған 50 танымдық бейнесабақтан тұрады. Тыңдаушылар бейнесабақтар мен оларға берілген таныстырылымдарды мұқият меңгеріп алуы керек. Оқу процесінде жекелеген бейнесабақтардан соң тапсырмаларды сапалы орындап, тексеруге тренерге жіберу қажет. Барлығы 9 тапсырма беріледі. Әр тыңдаушыға оқу барысында ең кемі бір рет бизнес-тренермен жеке кеңес алу мүмкіндігі бар. Салалық сарапшылармен вебинарлар бекітілген кесте бойынша жүргізіледі.
- Кәсіп бастаймын деген жандарға тағы басқа мемлекеттен қандай қолдау бар?
Мемлекеттік бағдарламаларды үшке бөлуге болады: қайтарымсыз субсидиялар (шыққан шығындарды азайту мақсатында берілетін қолдау), қайтарымсыз гранттар (кәсіп бастаушыларға көмек) және жеңілдетілген несиелер.
Судсидия екі бағытта беріледі: несие пайызын азайту мақсатында және көбінде ауыл шаруашылығына берілетін қайтарымсыз субсидиялар.
Көп балалы аналарға 4%-бен несие беріліп жатыр. Көп балалы аналар санатына жатпайтындар 6%-бен несие алуға мүмкіндік бар. Бұл кәсіп бастау үшін бүгінгі таңда пайызы ең төмен несие болып табылады. Жалпы кәсіп бастаймын дейтіндерге қаржы көзін табу қиын емес. Бастысы бизнесті дұрыс жоспарлау және сауатты жүргізу керек.
- Назым ханым, оқырмандар үшін берген пайдалы сұхбатыңыз үшін рақмет! Еңбегіңіздің жемісін көріңіз!
Тағы көру
