|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде шағын несие беру ұйымдарының азаматтарға қарыз беру тәртібі өзгерді. Енді бұл қаржылық мекемелер азаматтар жайлы толық мәліметті тексермей, несие рәсімдей алмайды. Бұл туралы Dauletten.kz 31 арнаға сілтеме жасап хабарлайды.
Ресми ақпаратқа сүйенсек, соңғы жылдары мыңнан аса азаматтың атынан онлайн түрде басқа адамдардың несие алғаны анықталды. Нәтижесінде, бір жыл аралығында мыңнан аса адам өзіне несие рәсімделгенін білмеген. Алаяқтардың жолын кесу мақсатында енді шағын несие беру ұйымдарынан қарыз алу тәртібі өзгерді.
Біріншіден, азамат несие алар алдында ЭЦҚ арқылы жеке мәліметтерді көрсетеді. Кезекті қадам - түр-сұлбаңызды биометриялық идентификаттаудан өткізу керек. Онлайн несиені рәсімдеу барысында байланыс нөміріне келген SMS код арқылы да растауға болады. Десек те, бұл жағдайда да қаржы ұйымы тарапынан биометриялық идентификаттау талабы қойылып отыр.
«Еліміздегі шағын несие ұйымдарына Ұлттық банктің арнайы сервистік жүйесі арқылы азаматтарды тексеру, жеке деректерін өтінімде көрсетілген мәліметтермен салыстыру, клиенттің нақты биометриялық деректерінің жеке басын куәландыратын құжаттарда көрсетілген деректерге сәйкес болуын қамтамасыз ету міндеттеледі”, – деді Қазақстан микроқаржы ұйымдары қауымдастығының басшысы Ербол Омарханов.
Табыс көзі төмен, несие тарихы нашар азаматтар микроқаржы ұйымдарынан немесе онлайн несиені жоғары пайызбен алуға мәжбүр. Бүгінде елімізде мыңнан аса осындай ұйым заңды түрде жұмыс істейді.
“Азаматтар лицензиясы жоқ ұйымдарға алданбас үшін несиенің пайыздық мөлшерлемесіне назар аудару керек. Мысалы, шағын несие беретін ұйымнан ұзақ уақытқа, яғни бірнеше жылға қарыз алсаңыз, онда оның жылдық пайызы 56%-тен жоғары болмауы керек. Ал онлайн несие алу барысында займның жылдық сыйақы мөлшерлемесі оның 30%-тен аспауы керек. Егер басқа адам сіздің атыңыздан несие алғанын білсеңіз, жергілікті полиция және қаржы нарығын реттеу агенттігіне шағым жазыңыз. Мұндай жағдайда ол қарызды ұйым кешіреді”, – деді ол.
Тағы көру
