|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде COVID-19-ға қарсы вакцина 2,2 млн-ға жуық адамға тегін салынады. Бұл туралы Денсаулық сақтау министрлігінің ресми өкілі Бағдат Қожахметов Facebook парақшасына жазды.
«2 182 000 қазақстандық коронавирусқа қарсы вакцинаны тегін алады», – делінген жазбада.
Еске сала кетейік, Қазақстанда 244 еріктіге вакцина салынады. Жоспар бойынша зерттеудің І кезеңі, яғни қыркүйек айында Алматы қаласында 44 еріктіге вакцина салынады. Ал қазан айында ІІ кезеңде ДДСҰ талаптарына жауап беретін 200 еріктіге COVID-19-ға қарсы қазақстандық вакцина салынады. Бұл екі сатылық тәжірибе желтоқсан айында аяқталмақ.
Егер ДДСҰ еліміздің зерттеу нәтижелерін мақұлдаса, Қазақстан салынып жатқан зауыт негізінде вакцина шығарады. Желтоқсан айында құрылысы аяқталатын жаңа зауыт жылына 60 млн доза вакцина шығаруға мүмкіндік бермек.
